Փոփոխություններ՝ գյուղատնտեսության ոլորտի աջակցության ծրագրում

Հարգելի գործընկերներ․
ՀՀ կառավարության որոշմամբ փոփոխություններ են կատարվել Հայաստանի Հանրապետությունում ինտենսիվ այգեգործության զարգացման, արդիական տեխնոլոգիաների ներդրման և ոչ ավանդական բարձրարժեք մշակաբույսերի արտադրության խթանման պետական աջակցության 2021-2025 թվականների ծրագրում։ Մասնավորապես, սահմանվել է, որ կարկտապաշտպան ցանցերի ներդրման աջակցությունը տրամադրվելու է բոլոր բնակավայրերի համար։
Ջրավազանի կառուցման համար շահառուի կողմից անհրաժեշտ միջոցների ձեռքբերման կամ տարբեր (մեկից ավելի) կապալառուների հետ պայմանագրերի կնքման դեպքերում՝ շահառուն աշխատանքների ավարտից հետո պետք է ներկայացնի ֆինանսական հաշվետվությունների վերաբերյալ աուդիտորական եզրակացություն։ Հստակեցվել են նաև կապալառուի համար սահմանված՝ որակավորված աշխատողին ներկայացվող պահանջները։
Հայաստանի Հաշվապահների Ասոցիացիան տրամադրում է հարկային խորհրդատվություն։
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 093 12 30 08։