Համաժողովներ

Հոկտեմբերի 24-ին «Էլիտ Պլազա» բիզնես կենտրոնում տեղի ունեցավ «Հայաստանի Հաշվապահների Ասոցիացիա» հասարակական կազմակերպության 35-րդ հերթական համաժողովը։
Բացման խոսքով հանդես եկավ Ասոցիացիայի նախագահ Հերմինե Թովմասյանը՝ ներկայացնելով նիստի օրակարգային հարցերը․

• Ասոցիացիայի 2022-2025թթ. գործունեության և գույքի օգտագործման տարեկան հաշվետվությունների հաստատում,
• Ասոցիացիայի վերստուգիչի ընտրություն,
• Ասոցիացիայի Խորհրդի նոր կազմի ընտրություն։

Համաժողովը կայացավ պատվիրակների մասնակցությամբ և համարվեց իրավազոր․ 134 պատվիրակից ներկա էին 119-ը, ովքեր բաց քվեարկությամբ միաձայն կողմ քվեարկեցին օրակարգի բոլոր հարցերին։
Այնուհետև Ասոցիացիայի Խորհրդի անդամ Վահագն Համբարձումյանը անդրադարձավ օրակարգային հարցերին։
Համաժողովի վերջին հատվածում կազմակերպեց քննարկում, մասնակիցները բարձրաձայնեցին իրենց հետաքրքրող հարցերը, ներկայացրին առաջարկներ, ստացան պարզաբանումներ։
Շնորհակալություն ենք հայտնում բոլոր մասնակիցներին ակտիվ ներգրավվածության համար։

Հուլիսի 25-ին Ծաղկաձորի «Մարիոթ» հյուրանոցում տեղի ունեցավ «Հայաստանի Հաշվապահների Ասոցիացիա» հասարակական կազմակերպության 34-րդ արտահերթ համաժողովը, որին մասնակցում էին Ասոցիացիայի 119 անդամներ։
Մինչ համաժողովի օրակարգային հարցերին անցնելը, Ասոցիացիայի հիմնադիր, Խորհրդի անդամ Վահագն Համբարձումյանը շնորհավորեց Ասոցիացիայի անդամ Հովհաննես Սարգսյանին ծննդյան տարեդարձի կապակցությամբ, ապա ողջունեց Ասոցիացիային նոր անդամագրված անդամներին։
Ասոցիացիայի նախագահ Հերմինե Թովմասյանը ներկայացրեց համաժողովի օրակարգային հարցերը.

1. 2026-2030 թվականների ռազմավարական ուղղությունների քննարկում,
2. Խնդիրների բարձրաձայնում և առաջարկների ներկայացում։

Համաժողովը կայացավ պատվիրակների մասնակցությամբ և համարվեց իրավազոր։ Ներկայացված օրակարգային բոլոր հարցերը բաց քվեարկությամբ ընդունվեցին միաձայն։
Համաժողովի առաջին հատվածում Ասոցիացիայի անդամները քննարկեցին կազմակերպության առաջիկա տարիների զարգացման ռազմավարական ուղղությունները, ներկայացրին իրենց առաջարկներն ու բարձրաձայնեցին ոլորտին առնչվող խնդիրները։
Համաժողովի երկրորդ հատվածում Վահագն Համբարձումյանը անցկացրեց «Կորպորատիվ կառավարում» խորագրով հերթական սեմինարը` միտված Ասոցիացիայի անդամների մասնագիտական, կառավարման և հաղորդակցման հմտությունների զարգացմանը։
Այնուհետև տեղի ունեցավ օրենսդրական փոփոխություններին նվիրված քննարկում, որի ընթացքում մասնակիցները բարձրաձայնեցին իրենց հուզող հարցերը, կարծիքներ փոխանակեցին և ստացան մասնագիտական պարզաբանումներ։
Համաժողովի ավարտին «Տոչ Մաստեր» ՍՊԸ-ի (Touch Master) տնօրեն Տիգրան Մարտիրոսյանը և ընկերության վերլուծական բաժնի ղեկավար Լաերտ Թորոսյանը ներկայացրին ՀԴՄ սարքերի նոր լուծումներն ու հնարավորությունները՝ անդրադառնալով դրանց կիրառման առանձնահատկություններին և առավելություններին, ինչպես նաև պատասխանեցին մասնակիցների հարցերին։
Շնորհակալություն ենք հայտնում համաժողովի բոլոր մասնակիցներին ակտիվ մասնակցության, կառուցողական քննարկումների և արժեքավոր առաջարկների համար, ինչպես նաև մեր գործընկերներին՝ արդյունավետ համագործակցության համար։

Ապրիլի 25-ին «Էլիտ Պլազա» բիզնես կենտրոնում տեղի ունեցավ «Հայաստանի Հաշվապահների Ասոցիացիա» հասարակական կազմակերպության 33-րդ արտահերթ համաժողովը։
Մինչ համաժողովի օրակարգային հարցերին անցնելը, Ասոցիացիայի Խորհրդի անդամ Վահագն Համբարձումյանը շնորհավորեց Եղվարդ քաղաքում գործող, Ասոցիացիայի անդամ «Թիմ ՎԻ - ԷՍ - ՎԻ» Հաշվապահական Հաշվառման Գրասենյակի աշխատակից Օնիկ Վիրաբյանին` որդու լույս աշխարհ գալու կապակցությամբ։
Բացման խոսքով հանդես եկավ Ասոցիացիայի նախագահ Հերմինե Թովմասյանը՝ ներկայացնելով նիստի օրակարգային հարցերը․

• Ասոցիացիայի Խորհրդի անդամի լիազորությունների վաղաժամկետ դադարեցում,
• Խորհրդի կազմում երեք նոր անդամների ընտրություն,
• 2026-2030թթ. ռազմավարական հարցերի քննարկում,
• Խնդիրների բարձրաձայնում և առաջարկների ներկայացում։

Համաժողովը կայացավ պատվիրակների մասնակցությամբ և համարվեց իրավազոր․ 115 պատվիրակից ներկա էին 106-ը, որոնք բաց քվեարկությամբ միաձայն կողմ քվեարկեցին օրակարգի բոլոր հարցերին։
Հայաստանի հաշվապահների ասոցիացիան իր գործընկերների և գործընկերների հաճախորդների բիզնեսին առնչվող հարակից ծառայությունների և այլ պրոդուկտների տրամադրման հասանելիության և մատչելիության ապահովման նպատակով համաժողովի վերջին հատվածում կազմակերպեց քննարկում, որի հյուրերն էին «Պողոսյան, Կիրակոսյան և գործընկերներ իրավաբանական գրասենյակ» ՍՊԸ-ի (PK&PARTNERS) ներկայցուցիչներ Գևորգ Պողոսյանը և Լյուսյա Մարգարյանը, «ՋԻԷԼԹԻ Սոլյուշնս» ՓԲԸ-ի (GLT Solutions) տնօրեն Սուրեն Ղալումյանը, ինչպես նաև «ԲԱՐԿՈԴ ԷՅԷՄ» ՍՊԸ-ի (Haysell) ներկայացուցիչներ Սերգեյ Մարգարյանը, Սմբատ Մարգարյանը և Իննա Վարպետյանը։
Քննարկումները անցան ակտիվ մթնոլորտում, մասնակիցները բարձրաձայնեցին իրենց հետաքրքրող հարցերը և ներկայացրին առաջարկներ։
Շնորհակալություն ենք հայտնում բոլոր մասնակիցներին ակտիվ ներգրավվածության համար և մեր գործընկերներին՝ շարունակական համագործակցության համար։

Մարտի 11-ին տեղի ունեցավ «Հայաստանի Հաշվապահների Ասոցիացիա» հասարակական կազմակերպության երեսուներկուերորդ արտահերթ համաժողովը, որի օրակարգային հարցն էր.

• Ասոցիացիայի Խորհրդի անդամների լիազորությունների վաղաժամկետ դադարեցում։

Համաժողովն իրավազոր էր, որի մասնակիցները (թվով 390, որից 29-ը` առկա, 361-ը` հեռավար) բաց քվեարկությամբ միաձայն կողմ քվեարկեցին օրակարգում ներկայացված հարցին։

Հունվարի 24-ին «Էլիտ Պլազա» բիզնես կենտրոնում տեղի ունեցավ «Հայաստանի Հաշվապահների Ասոցիացիա» հասարակական կազմակերպության երեսունմեկերորդ արտահերթ համաժողովը։
Մինչ համաժողովի օրակարգային հարցերին անցնելը Ասոցիացիայի Խորհրդի անդամ Վահագն Համբարձումյանը Ասոցիացիայի անունից շնորհավորեց Սիսիան քաղաքում գործող «Սիրիուս Լայթ» Հաշվապահական Կենտրոնի տնօրեն Լարիսա Մանասյանին ծննդյան տարեդարձի կապակցությամբ։
Այնուհետև Ասոցիացիայի նախագահ Հերմինե Թովմասյանը ներկայացրեց համաժողովի օրակարգային հարցերը.

1. 2026-2030թթ. ռազմավարական հարցերի քննարկում.
2. Խորհրդի անդամի լիազորությունների վաղաժամկետ դադարեցում.
3. Խորհրդի կազմում նոր անդամի ընտրություն.
4. Խնդիրների և առաջարկների քննարկում։

Համաժողովը կայացավ պատվիրակների միջոցով։
Համաժողովն իրավազոր էր, որի պատվիրակները (թվով 115, որից ներկա` 108) բաց քվեարկությամբ միաձայն կողմ քվեարկեցին օրակարգում ներառված հարցերին։
Համաժողովի երկրորդ հատվածում կազմակերպվեց ակտիվ հարցուպատասխան, որի ընթացքում Ասոցիացիայի անդամները բարձրաձայնեցին իրենց հետաքրքրող հարցերը և ստացան պատասխաններ։
Շնորհակալություն ենք հայտնում բոլոր ներկաներին ակտիվ մասնակցության համար։

Հոկտեմբերի 25-ին «Էլիտ Պլազա» բիզնես կենտրոնում տեղի ունեցավ «Հայաստանի Հաշվապահների Ասոցիացիա» հասարակական կազմակերպության երեսուներորդ արտահերթ համաժողովը։
Բացման խոսքով հանդես եկավ Ասոցիացիայի նախագահ Հերմինե Թովմասյանը և ներկայացրեց համաժողովի օրակարգային հարցերը.
1. 2026-2030թթ. ռազմավարական հարցերի քննարկում,
2. Ծրագրային նոր գործիքների ներկայացում,
3. Խնդիրների և առաջարկների քննարկում։
Համաժողովը կայացավ պատվիրակների միջոցով։
Համաժողովն իրավազոր էր, որի պատվիրակները (թվով 93, որից ներկա` 82) բաց քվեարկությամբ միաձայն կողմ քվեարկեցին օրակարգում ներառված հարցերին։
Այնուհետև Ասոցիացիայի Խորհրդի անդամ Վահագն Համբարձումյանը անդրադարձավ օրակարգային հարցերին` ներկայացնելով 2026-2030թթ. ռազմավարական հարցերը։
Ծրագրային նոր գործիքները Ասոցիացիայի անդամներին ներկայացրեց Ասոցիացիայի Խորհրդի անդամ Անի Բադիկյանը։
Հայաստանի Հաշվապահների Ասոցիացիան իր գործընկերների և գործընկերների հաճախորդների բիզնեսին առնչվող հարակից ծառայությունների և այլ պրոդուկտների տրամադրման հասանելիության և մատչելիության ապահովման նպատակով համաժողովի վերջին հատվածում կազմակերպեց պանելային քննարկում, որի հյուրերն էին «Արբիտրաժ» ՍՊԸ-ի տնօրեն Գարիկ Միրզոյանը, «Արբիտրաժ» ՍՊԸ-ին կից մշտապես գործող «Արբիտրաժային դատարան» հիմնարկի նախագահ, փաստաբան, արբիտր Զարզանդ Հարությունյանը, «Մակիչյան Քընսալթինգ» բիզնես-գործընթացների ավտոմատացման կենտրոնի հիմնադիր, տնօրեն Գրիգոր Մակիչյանը և «Ամերիաբանկ» ՓԲԸ-ի վաճառքների հարաբերություների կառավարման մասնագետ Մկրտիչ Բիձյանը։ 
Ասոցիացիայի անդամները բարձրաձայնեցին իրենց հետաքրքրող հարցերը և ստացան սպառիչ պատասխաններ։
Շնորհակալություն ենք հայտնում բոլոր ներկաներին ակտիվ մասնակցության և մեր գործընկերներին` համագործակցության և վստահության համար։