Շինարարություն
Շինարարությունը ՀՀ տնտեսության կարևոր ճյուղերից է, կառուցում և վերակառուցում է տարբեր նշանակության շենքեր ու կառույցներ։ Այն որոշիչ դեր ունի երկրի տնտեսության զարգացման գործում։ Ճյուղի արտադրանքն արտադրական ձեռնարկությունների, տրանսպորտային ճանապարհների, էներգետիկ համակարգի, ջրատեխնիկական կառույցների, բնակելի տների, հանրակրթական դպրոցների, նախադպրոցական, գիտական, մշակութային և այլ հաստատությունների, օբյեկտների ավարտված և գործարկված շենքերն ու շինություններն են։ Հայաստանի շինարարության ոլորտը 2000-2008 թթ.-ը ցուցադրել է կայուն և դինամիկ աճ, միաժամանակ 2008 թ.–ին շինարարության ծավալները հասել են ռեկորդային մակարդակի` մոտ 858.7 մլրդ. դրամ։ Սակայն 2008 թ.–ի համաշխարհային ֆինանսատնտեսական ճգնաժամից հետո Հայաստանի շինարարության ոլորտը տարեցտարի անկում է գրանցել՝ հասնելով 442.3 մլրդ. դրամի: Մինչև 2018 թվականը անկման այդ միտումը պահպանվում էր, իսկ 2018-2019 թվականներից ոլորտը վերջապես սկսեց աճ գրանցել։ Վերջին շրջանում պետական միջոցներով կատարված շինարարական ծավալները նախորդող տարիների համեմատ աճել են 8.9 %-ով, մասնավոր կազմակերպությունների կողմից իրականացվող աշխատաքների ծավալները՝ 1.4 %-ով, իսկ բնակչության կողմից կատարված շինարարական աշխատանքները՝ 6.1 %-ով։
Փոփոխություններ կառուցապատման նպատակով թույլտվությունների և այլ փաստաթղթերի տրամադրման կարգում
Հարգելի գործընկերներ.
ՀՀ կառավարության որոշմամբ 2025 թվականի ապրիլի 15-ից մի շարք փոփոխություններ և լրացումներ են կատարվել կառուցապատման նպատակով թույլտվությունների և այլ փաստաթղթերի տրամադրման կարգում։
Մասնավորապես, սահմանվել է նոր` միջինից բարձր ռիսկայնության աստիճանի (III կատեգորիայի) դասակարգում ունեցող օբյեկտների ցանկը և դրանց նախագծային փաստաթղթերի փորձաքննության առանձնահատկությունները, հստակեցվել է էլեկտրամատակարարման և կապի վերգետնյա համակարգերի ընթացիկ նորոգման, միջին նորոգման, ընթացիկ պահպանման և ներքին հարդարման աշխատանքների ցանկը:
Հայաստանի Հաշվապահների Ասոցիացիան տրամադրում է հարկային խորհրդատվություն։
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 093 12 30 08։
21.04.2025
Պետական տուրք` գեոդեզիական և քարտեզագրման գործունեության ոլորտում
Հարգելի գործընկերներ.
«Պետական տուրքի մասին» ՀՀ օրենքում կատարված լրացումների համաձայն՝ 2024 թվականի օգոստոսի 4-ից պետական տուրք է սահմանվել գեոդեզիական և մարկշեյդերական, ինչպես նաև քարտեզագրական, հողաշինարարական, չափագրական և հաշվառման գործունեության որակավորման վկայականները վերաձևակերպելու կամ դրանց կրկնօրինակները տրամադրելու համար։
Հայաստանի Հաշվապահների Ասոցիացիան տրամադրում է հարկային խորհրդատվություն։
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 093 12 30 08։
02.08.2024
Նոր վարչական պատասխանատվություն կառուցապատման ոլորտում
Հարգելի գործընկերներ․
Վարչական իրավախախտումների վերաբերյալ ՀՀ օրենսգրքում կատարված լրացումների համաձայն՝ 2026թ․-ի հունվարի 1-ից սահմանվել է տուգանք՝ նոր կառուցված և շահագործման հանձնված բազմաբնակարան շենքի նախագծային փաստաթղթերը կառուցապատողի կողմից օրենքով սահմանված կազմով կամ ժամկետում բազմաբնակարան շենքի կառավարման մարմնին չփոխանցելու, ինչպես նաև այդ փաստաթղթերի հանձնման-ընդունման ակտի օրինակը օրենքով սահմանված ժամկետում համայնքի ղեկավարին չներկայացնելու համար:
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 093 12 30 08։
14.05.2024
Քաղաքաշինության բնագավառում վերաորակավորման կարգի սահմանման մասին
Հարգելի գործընկերներ.
ՀՀ կառավարության որոշմամբ 2024 թվականի ապրիլի 5-ից սահմանվել է քաղաքաշինության բնագավառում բազային մասնագիտական կրթություն ունեցող անձանց վերաորակավորման կարգը:
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 093 12 30 08։
11.04.2024
Կառուցապատողի հատուկ հաշվին գնորդի մուտքագրած դրամական միջոցների օգտագործման սահմանափակումների մասին
Հարգելի գործընկերներ.
ՀՀ քաղաքացիական օրենսգրքում կատարված փոփոխությունների համաձայն՝ 2023 թվականի հոկտեմբերի 15-ից ուժի մեջ են մտել նոր օրենսդրական կարգավորումներ, որոնցով նոր սահմանափակումներ են սահմանվել կառուցապատողի հատուկ հաշվին գնորդի մուտքագրած դրամական միջոցները կառուցապատողի կողմից լրիվ կամ մասնակի օգտագործելու կարգում։
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 093 12 30 08։
17.10.2023