Էներգետիկայի ոլորտում գաղտնի համարվող տեղեկատվության բացահայտման մասին

Հարգելի գործընկերներ.
«Էներգետիկայի մասին» ՀՀ օրենքում կատարված լրացումներով սահմանվել է, որ պետական և տեղական ինքնակառավարման մարմինների, պետության կամ համայնքի հիմնադրած, ինչպես նաև 50 տոկոս և ավելի պետական մասնակցությամբ կազմակերպություններին առնչվող՝ օրենքով նշված տեղեկատվությունը համարվելու է ոչ գաղտնի տեղեկատվություն:
Միաժամանակ, սահմանվել է, որ էներգետիկայի բնագավառում լիցենզավորված անձինք իրավասու են օրենքով սահմանված գաղտնի պահվող տեղեկությունները, ինչպես նաև սպառողներին նույնականացնող տվյալները բացահայտելու հարկային մարմնին՝ վերջինիս կողմից հարկային հսկողության շրջանակում օգտագործելու նպատակով: Փոփոխություններն ուժի մեջ են մտել 2024 թվականի հոկտեմբերի 11-ից:
Մանրամասներին ծանոթանալու և խորհրդատվություն ստանալու համար կարող եք կապ հաստատել հետևյալ հեռախոսահամարով՝ 093 12 30 08։